АҚШ вице-президенти исроиллик танқидчиларнинг Вашингтон ва Теҳрон ўртасидаги келишувга нисбатан билдирган фикрларига кескин жавоб қайтарди
Жей Ди Вэнснинг сўзларига кўра, АҚШ президенти Доналд Трамп ҳозирда дунёда Исроилга ҳамдард бўлган ва уни қўллаб-қувватлайдиган ягона давлат раҳбари ҳисобланади, исроиллик сиёсатчилар буни ёдда тутишлари керак.
У Исроил мудофаа қуролларининг катта қисми Қўшма Штатларда ишлаб чиқарилгани ва америкалик солиқ тўловчилар томонидан молиялаштирилганини эслатиб ўтди. Вашингтоннинг Исроилга берадиган йиллик ҳарбий ёрдами қарийб 4 миллиард долларни ташкил этади.
Вице-президент АҚШ ва Эрон келишувига қарши чиққан Исроил ҳукумати аъзоларини қоралашини маълум қилди. Исроил миллий хавфсизлик вазири Итамар Бен-Гвир ва молия вазири Бецалел Смотрич Вэнс томонидан алоҳида кескин танқидга учради.
Исроиллик ўта ўнгчи сиёсатчиларга юзланар экан, Вэнс шундай деди: «Сизнинг мамлакатингиз аҳолиси 9 миллион кишидан иборат. Миллий хавфсизликка оид барча муаммоларни фақатгина қотиллик йўли билан ҳал қила олмайсиз».
