21 даража. Дунё океани июн ойида ҳеч қачон бунчалик исиб кетмаган эди
Европа Иттифоқиниг Copernicus Marine Service (CMS) кузатув дастури маълумотларига кўра, ўтган ойда дунё океани юзасининг ўртача ҳарорати +20,98°C ни ташкил этди. Июн ойидаги бундан олдинги рекорд 2024 йилда қайд этилган бўлиб, +20,89 даража бўлган эди. Экспертлар яқин ойларда бошқа максимал кўрсаткичлар ҳам янгиланишини кутишмоқда.
Океанлар Ер юзасининг тахминан учдан икки қисмини қоплаб туради. CMS баҳолашича, ҳароратнинг кескин кўтарилишига глобал исиш ва Эл-Нино — икки йилдан етти йилгача бўлган даврийликда такрорланиб турадиган иқлим ҳодисасининг ўзаро таъсири сабаб бўлмоқда. Ушбу ҳодиса Тинч океанининг бир қисмида сув ҳароратининг тебранишларида намоён бўлади.
Глобал иқлимни тартибга солишда асосий рол ўйнайдиган океанлар инсоният томонидан ажратилаётган ис гази (CO₂) чиқиндилари туфайли юзага келаётган ортиқча иссиқликнинг катта қисмини ўзига ютади.
Океан ҳароратининг кўтарилиши сайёрамиз учун ҳалокатли оқибатларга олиб келиши мумкин: у бўронлар ва ёғингарчиликларни кучайтиради, маржонларнинг рангсизланиши ҳамда нобуд бўлишига сабаб бўлади, шунингдек, денгиз сатҳининг кўтарилишига олиб келади.
