Тошкент ер усти метросида поездлар тезлиги чекланади
Аномал иссиқда рельслар меъёрдан (55°С) ортиқ қизиб кетаётгани сабаб шундай қарор қабул қилинди.
Унга кўра, 15 июлдан бошлаб ер усти метросида поездларнинг ҳаракат тезлиги ҳар куни соат 18:00 гача 60 км/соатдан 40 км/соатгача чекланади.
“Мазкур вақтинчалик чеклов поездлар ҳаракат интервалига ҳам қисман таъсир кўрсатиши мумкин. Шу боис йўналишда метро поездларнинг келиш вақти 14 дақиқагача узайиши кутилмоқда”, дейилади метро маъмурияти хабарида.
