Путин Украинанинг босиб олинган ҳудудларини бир қисмини Киевга қайтаришдан воз кечди
Путин Украинанинг босиб олинган ҳудудларини бир қисмини Киевга қайтаришдан воз кечди — Bloomberg.
Агентлик манбаларига кўра, Россия босиб олинган ҳудудларнинг бир қисмини урушни тўхтатиш бўйича эҳтимолий келишув доирасида Украинага қайтариш фикридан қайтди.
«Россия президенти Владимир Путин ҳали ҳам Донбасс устидан тўлиқ назорат ўрнатишни, Суми ва Харков вилоятларининг босиб олинган чегарадош қисмларини Россияда қолдириб, уларни “буфер зона”га айлантиришни ният қилмоқда», дея хабар бермоқда Bloomberg.
Путин 2025 йил август ойида Алясканинг Анкориж шаҳруда АҚШ президенти Доналд Трамп билан учрашганди. Кремл ушбу саммитда эришилган “норасмий келишувлар” барбод бўлган деб ҳисобламоқда. Шу сабабли ҳар қандай ҳудудий ён беришлардан воз кечган.
Кремл расмийлари Путин ва Трамп ўртасидаги “Анкориж руҳи” деб номланган келишув доирасида муайян мажбуриятлар бўлганини таъкидлаб келади. Уларнинг айтишича, ушбу келишув Суми ва Харков вилоятларининг босиб олинган ҳудудларини Украинага қайтариш эвазига шарқий Донецк вилоятини олишни назарда тутган.
Эндиликда Россия Донецк вилоятини тўлиқ эгаллаб олгандан сўнг музокараларга қайтмоқчи. Россия Мудофаа вазирлиги президент Путинни 2026 йил охиригача бунга эриша олишига ишонтирган. Мудофаа вазирлигига яқин Блоомберг суҳбатдошининг айтишича, кўплаб россиялик ҳарбийлар буни ҳақиқатдан йироқ деб ҳисоблайди. Улар Донбассни фақат 2027 йил давомида тўлиқ назорат остига олиш мумкинлигини айтган.
