Япония марказий ҳудудларида йил бошидан бери илк бор ҳарорат 40 даражадан ошди — The Guardian
Япония метеорология агентлиги маълумотига таяниб хабар берилишича, Гифу префектурасининг Гудзё ва Тадзими шаҳарларида ҳарорат тегишлича 40 ва 40,3 даражагача кўтарилган. Айти префектурасидаги Тоёта шаҳрида эса термометр кўрсаткичи 40,1 даражага етган.
Аномал иссиқ фонида қурбонлар ҳақида хабарлар тушмоқда. Душанба куни Ниигата префектурасининг Сандзё шаҳрида 40 ёшлар атрофидаги эркак ўлик ҳолда топилган, Токиодан жануби-ғарбда жойлашган Канагавада эса 70 ёшдан ошган яна бир эркак вафот этган. Иккала ҳолатда ҳам ўлимга иссиқ уриши сабаб бўлгани тахмин қилинмоқда.
