Йўл қоидаларини қўпол бузганлар учун жазолар кучайтирилиши мумкин

Олий Мажлис Қонунчилик палатасида кўриб чиқилган қонун лойиҳасига кўра, йўл ҳаракати қоидаларини қўпол бузган ҳайдовчиларга нисбатан автомобилни вақтинча олиб қўйиш ёки мусодара қилиш каби чораларни жорий этиш таклиф этилмоқда.

Шунингдек, соатига 80 кмдан ортиқ тезлик ошириш, ноқонуний пойгалар ташкил этиш, вояга етмаганларга транспорт бошқаришга рухсат бериш ва бошқа хавфли қоидабузарликлар учун алоҳида маъмурий жавобгарлик белгиланиши режалаштирилган. Қонун лойиҳаси фракция аъзолари томонидан қўллаб-қувватланди.