Эрон кескинлик кучайса, Европадаги АҚШ ҳарбий объектларига зарба бериши мумкин — Financial Times
Financial Times маълумотларига кўра, Эрон ҳарбийлари янги можаро юзага келган тақдирда жавоб зарбаларини Яқин Шарқдан ташқарига кенгайтириш вариантларини ҳам кўриб чиққан. Улар орасида Болгариядаги АҚШ ҳарбий объектлари, шунингдек, Британия ҳарбий базаси жойлашган Кипр эҳтимолий нишонлар сифатида тилга олинган.
Бундан ташқари, Эрон Ҳурмуз бўғозидаги сув ости интернет кабелларига зарба бериш имкониятини ҳам ўргангани айтилмоқда. Бу режалар Теҳрон янги тўқнашув юзага келса, жавоб чораларини минтақадан ташқаридаги нишонларга ҳам кенгайтириши мумкинлигини кўрсатади.
