Трамп АҚШ Марказий разведка бошқармаси раҳбарининг Москвага ташрифига изоҳ берди
25 август куни Қўшма Штатлар Марказий разведка бошқармаси (МРБ) директори Жон Рэтклиффнинг Москвага учиб келгани ҳақида бир вақтнинг ўзида бир нечта оммавий ахборот воситалари хабар берганди.
МРБ директорининг Москвага ташрифини чоршанба куни АҚШ президенти Доналд Трамп ҳам тасдиқлади. У бу ҳақда Глэнн Бекнинг ток-шоусида айтиб ўтди.
«Турли хил миш-мишлар юрибди – Путин NATO’нинг қатъиятини синаб кўрмоқчилигидан тортиб, Буюк Британияга зарба бермоқчилигигача. Биз уларга Эрон санкцияларига жиддий ёндашаётганимиз ҳақида хабар бермоқчи бўлганимизни ҳам айтишмоқда. МРБ директори ярим тунда руслар билан учрашиш учун нега Москвага борганини тушунтириб бера оласизми?», —деб сўради Бек.
«Буларнинг ҳеч бири эмас. Бу ўзига хос қисман одатий жараён. Одамларнинг ҳафсаласини пир қилаётганимдан афсусдаман. Биз Украинадаги уруш тугашини хоҳлаймиз. Агар мен президент бўлганимда бу уруш ҳеч қачон бошланмас эди. Жон Рэтклифф ажойиб инсон. Биз бу уруш тугаши учун барча саъй-ҳаракатларни амалга оширяпмиз», — дея жавоб берди Оқ уй раҳбари.
