Европарламент депутати: Европа Иттифоқи АҚШ учун «фойдали аҳмоқ» ролини ўйнамоқда
Европа Иттифоқи (ЕИ) ҳозирги ташқи сиёсатида жасорат, етакчилик ва стратегик қарашларга эга эмас. Бу фикрни Италиянинг «Five Star Movement» мухолифат партиясидан Европа Парламенти аъзоси Данило Делла Валле маълум қилди.
«Европа Иттифоқи Қўшма Штатлар учун „фойдали аҳмоқ“ вазифасини бажаришда давом этмоқда», — деди сиёсатчи. Унинг таъкидлашича, Европа Парламенти Грузия, Молдова ва Россияга қарши кўплаб резолюциялар қабул қилади, аммо Италия ва Жанубий Европа учун Ливия каби муҳим масалаларга кам эътибор қаратади.
Делла Валленинг сўзларига кўра, стратегик тасаввурнинг йўқлиги сабабли, иттифоқ бошқаларнинг манфаатларини кўзлаб ҳаракат қилмоқда ва ўз чегараларидаги асосий таҳдидларни эътиборсиз қолдирмоқда.
