Бразилияда онлайн қимор тақиқланди
Бразилия президенти Луис Инасиу Лула да Силва мамлакатда виртуал казинолар ва пул тикиладиган онлайн ўйинлар буткул тақиқланишини эълон қилди.
«Бу саратонга ўхшайди: ўсимтани йўқ қиласан ёки ўсимта сени ўлдиради», — дея президентнинг сўзларидан иқтибос келтиради G1 портали.
Ушбу чора президентлик сайловлари олдидан жорий этилди. Сайловнинг биринчи тури 4 октябрга белгиланган.
«Биз жамоат саломатлиги соҳасида онлайн пул тикиш билан боғлиқ жиддий муаммога дуч келдик. Бу жиддий муаммо», — деди молия вазири Дарио Дуриган.
Унинг маълум қилишича, фойдаланувчилар ўз маблағларини ечиб олишлари учун букмекерлик компанияларининг сайтлари 5 октябргача очиқ бўлади. 6 октябрдан бошлаб эса иловалар дўконлари ва интернет-провайдерлар ушбу сайтларни блоклаши шарт.
