Доналд Трамп Си Жинпиндан Эронга ёрдам бермасликни сўради
АҚШ президенти Доналд Трамп Хитой раиси Си Жинпиндан унинг Вашингтонга ташрифи чоғида Эронга ҳар қандай ёрдам кўрсатишни тўхтатишни сўради. Бу ҳақда Қўшма Штатларнинг Пекиндаги элчиси Дэвид Педрю маълум қилди.
Хитойнинг Эронни иқтисодий, разведка ва ҳарбий жиҳатдан қўллаб-қувватлаши Трампнинг уруш даврида бу мамлакатни яккалаб қўйиш бўйича саъй-ҳаракатларини пучга чиқармоқда. АҚШ Эронга қарши кенг кўламли иқтисодий босим кампаниясини олиб бормоқда, бироқ Хитой билан ҳамкорлик бўлмаса, бу фақат қисман самара беради.
«Биз хитойликларга бир неча ҳафта олдин Эронга бериладиган ҳар қандай ёрдам — хоҳ у тўғридан тўғри, хоҳ билвосита, хоҳ разведка, хоҳ эҳтиёт қисмлар ёки ҳарбий техника кўринишида бўлсин — мутлақо қабул қилиб бўлмаслигини жуда аниқ тушунтиргандик. Президент Доналд Трамп буни Си Жинпинга яна бир бор қатъий таъкидлади», — деди Дэвид Пердю.
