Apple NVIDIA’ни ортда қолдириб, дунёнинг энг қиммат компаниясига айланди
Американинг Apple корпорацияси бозор капитализацияси бўйича NVIDIA’ни ортда қолдириб, дунёнинг энг қиммат компаниясига айланди. Бу ҳақда фонд биржасидаги савдолар натижалари гувоҳлик бермоқда.
Жума кунги савдолар якунида Apple акциялари 1,2 фоизга арзонлашди. Натижада компаниянинг бозор қиймати 5,09 триллион доллардан 5,03 триллион долларга тушди.
Бироқ NVIDIA акциялари бундан ҳам кескинроқ — 4,2 фоизга пасайди. График процессорлар ишлаб чиқарувчи компаниянинг капитализацияси 5,16 триллион доллардан 4,94 триллион долларга қисқарди.
Шу тариқа, ҳар икки компаниянинг бозор қиймати пасайганига қарамай, Apple жаҳон рейтингида биринчи ўринга кўтарилди
