Зеленский Мелания Трампни орден билан тақдирлади
Украина президенти Владимир Зеленский 4 ноябрь куни АҚШ биринчи хоними Мелания Трампни И даражали “Княгиня Олга” ордени билан тақдирлади. Тегишли фармон президент сайтида эълон қилинди.
Ҳужжатга кўра, мукофот Мелания Трампга Украинага гуманитар ёрдам кўрсатиш, инсон ҳуқуқларини ҳимоя қилиш ва хайрия фаолиятига қўшган катта ҳиссаси учун берилган. Шунингдек, унинг Россия агрессияси оқибатида жабрланган украиналиклар, жумладан, босиб олинган ҳудудлардан ноқонуний олиб чиқиб кетилган ва мажбуран кўчирилган болаларни қутқаришга қаратилган фаолияти ҳам эътироф этилган.
Маълумот учун, Мелания Трампнинг воситачилиги натижасида Россия ва Украина 27 октябрь куни Олешки шаҳрида вақтинчалик оташкесимга эришди. “Сукунат режими” шаҳрдаги аҳолига гуманитар ёрдам кўрсатиш ва уларни хавфсиз ҳудудларга кўчириш мақсадида жорий этилган.
Бундан ташқари, Мелания Трамп Оқ уйда Россия ва Украина вакиллари иштирокида учрашув ташкил этишни ҳам рэжалаштирмоқда.
