Трамп UFC раҳбарига адашиб расмий лавозим таклиф қилди
Доналд Трамп UFC раҳбари Дэйна Уайтни бошқа амалдор билан адаштириб, унга расмий лавозим таклиф қилди.
Доналд Трамп яқинда UFC раҳбари Дэйна Уайтга Оқ уй матбуот котиби лавозимини эгаллашни таклиф қилган эди. Аммо, қизиқ томони шундаки, аслида гап мутлақо бошқа одам — Данна Уайт исмли аёл ҳақида бориши керак бўлган.
Данна Уайт Трампнинг биринчи президентлик муддати даврида Пентагон матбуот котиби лавозимида ишлаган. Маълум бўлишича, номзодлар рўйхатида айнан шу аёлнинг исми келтирилган, бироқ Трамп ёрдамчилари тайёрлаган матнни ўқиб, гап ўзининг қадрдон таниши, UFC раҳбари Дэйна Уайт ҳақида кетяпти, деб ўйлаган.
Шу билан ҳам чекланмай, президент ўз ташаббуси билан матнга севимли UFC жангчиларининг исмларини ҳам қўшиб юборган. Натижада оддий кадрлар масаласи бутун бошли сиёсий англашилмовчиликка айланган.
Кейинроқ UFC раҳбари ушбу таклифга рад жавобини берганини маълум қилди. Трампнинг ўзи эса, ўзининг гапини “шунчаки ҳазил” бўлганини таъкидлади.
