Nvidia раҳбари можароси: уч бизнесмен миллиардерлик мақомидан айрилди
Nvidia компанияси асосчиси ва бош директори Женсен Ҳуангнинг ишқий муносабатлари атрофидаги можаро ортидан компанияга алоқадор етти нафар миллиардер жами бойлигининг қарийб учдан бир қисмини йўқотди. Уларнинг уч нафари эса миллиардерлик мақомидан айрилди.
Forbes нашрининг ёзишича, компания акциялари 8 ноябрдан буён 11 фоизга, октябрдаги энг юқори кўрсаткичга нисбатан эса 31 фоизга арзонлашган.
Женсен Ҳуангнинг бойлиги ҳам 145 млрд долларгача камайган ва у дунёнинг энг бой 10 кишиси рўйхатидан чиқиб кетган.
Компаниянинг амалдаги ва собиқ олти нафар раҳбари ҳамда директорлар кенгаши аъзоларининг умумий капитали эса 5,6 млрд долларга камайиб, тахминан 21 млрд долларни ташкил этган.
Nvidia молия директори Колетт Кресс, компаниянинг глобал операциялар бўйича собиқ ижрочи вице-президенти Жей Пури, шунингдек, венчур инвестор ва директорлар кенгаши аъзоси Брук Сюэлл миллиардерлик мақомидан айрилган.
Nvidia раҳбари Женсен Хуанг АҚШ махсус хизматлари Хитой разведкаси агенти деб ҳисоблаётган аёл билан ишқий муносабатларда бўлганликда гумон қилинган ва 12 ноябр куни истеъфога чиққанди.
