Хитой Тожикистонга сармоя киритмоқда
Тожикистон ва Хитой умумий узунлиги 171 км бўлган темир йўл қуришни режалаштирмоқда. Бундан ташқари, Хитой республика шимолида қуёш электр станциясини қуришни ваъда қилмоқда.
Бу йўллар бўйлаб темир йўл қурилиши Тожикистон иқтисодиёти учун муҳим аҳамиятга эга. Транспорт ва коммуникациялар Тожикистон ва Хитой ўртасидаги муносабатларнинг устувор йўналишлари ҳисобланади ва бу борада бир қатор муҳим лойиҳалар амалга оширилган.
Бундан ташқари, Хитойнинг China Datang корпорацияси Тожикистоннинг Сўғд вилоятида қуввати 500 МВт бўлган қуёш электр станциясини қуришни режалаштирмоқда. Бу ҳақда вилоят ҳокимлиги матбуот хизмати хабар берди.
