Полшада америкалик аскарларни жойлаштириш учун база қурилди
Полша жануби-ғарбидаги Қуйи Силезия воэводелигидаги Свентошув қишлоғида АҚШнинг вақтинчалик ҳарбий базаси пайдо бўлди. Бу ҳақда Полша армияси бригада генерали Дариуш Мендралага таяниб, ПАП ахборот агентлиги хабар берди
“База тезкор йиғиш ва таъминотни қабул қилиш, тактик йиғилиш ҳудудига ўтишдан олдин ҳарбий техникани ўрнатиш учун мўлжалланган”, дейди генерал
ПАП хабарига кўра, базада АҚШ ва НАТОнинг 1000 нафаргача ҳарбий хизматчилари жойлашади
Маълумот учун, май ойи ўрталарида Краков-Балица халқаро аэропорти яқинида АҚШ махсус кучларининг “Мирон Кампи” базаси очилди ва бу АҚШ махсус кучларининг Европадаги энг шарқий базасига айланди. Полшада жами 10 мингдан ортиқ АҚШ қўшинлари жойлашган.
