“Рома” 7 футболчи билан хайрлашади
ROME, ITALY - AUGUST 16: AS Roma players during a training session at Centro Sportivo Fulvio Bernardini on August 16, 2024 in Rome, Italy. (Photo by Fabio Rossi/AS Roma via Getty Images)
Италиянинг “Рома” клуби мураббийи Даниеле де Росси янги мавсумда режаларидан ўрин олмаган футболчилар рўйхатини клуб раҳбариятига тақдим этган.
Инсайдер Никола Скиранинг маълумот беришиcа, клуб ушбу ёзги трансфер ойнасида хайрлашишга тайёр бўлган футболчилар 7 нафарни ташкил этади. Улар орасида ҳужумчилар Элдор Шомуродов, Пауло Дибала, Темми Абраҳам, ярим ҳимоячилар Никола Залевски, Эдоардо Бове ҳамда ҳимоячилар Крис Смоллинг ва Рик Карсдроплар бор.
Римликларнинг барча ўйинчиларга таклифлари бор, масалан, “Ал-Қодисия” клуби Дибалани сотиб олмоқчи, Абраҳамга ҳам Европа жамоалари қизиқиш билдирмоқда.
Аввалроқ Элдор Шомуродов янги мавсумни ижара асосида “Верона”да ёки MLS иштирокчиси “Аталанта Юнайтед” сафига ўтиши мумкинлиги ҳақида хабар қилинганди.
18 август куни Рим клуби “Кальяри” меҳмони бўлди. Якшанба куни бўлиб ўтган ўйинда ҳисоб очилмади. Ўзбекистонлк Элдор Шомуродов қайдномадан ўрин олди, аммо майдонга тушмади.
