Зеленский ва Трамп ўртасида музокара бўлиб ўтди
АҚШ президентлигига номзод Доналд Трамп ва Украина президенти Владимир Зеленскийнинг ўртасидаги учрашув якунланди.
Сиёсатчилар ўртасидаги музокаралар тахминан бир соат давом этди. Суҳбатдан сўнг Зеленский Украина делегатсияси кортежи ҳамроҳлигида Ню-Ёрк марказидаги Трамп минорасини тарк этди.
Аниқлик киритилишича, Трамп ва Зеленский бўлажак президентлик сайловлари ва можародан чиқиш йўлини муҳокама қилган. Америкалик сиёсатчи, агар у ғалаба қозонса, ҳар икки томон учун ҳам яхши ечим топа олишига умид билдирган.
