12 боланинг ўлимига сабаб бўлган Ҳизбуллоҳ қўмондони ўлдирилди
12 боланинг ўлимига сабаб бўлган футбол майдонига ҳужумни ташкиллаштирган Ҳизбуллоҳ қўмондони ўлдирилди. Бу ҳақда ЦАХАЛ матбуот хизмати маълум қилди.
Эслатиб ўтамиз, шу йилнинг 27 июл куни Ҳизбуллоҳ Голан тепаликларидаги Маждал Шамс шаҳридаги футбол майдонига зарба берган эди. Ҳужум пайтида майдонда болалар бўлган.
Бугун ЦАХАЛ ҳужумни уюштирган Хидер аш-Шабиа йўқ қилинганини эълон қилди.
