Россиянинг инсонпарварлик ёрдами Байрутга етказилди
Россия Фавқулодда вазиятлар вазирлиги самолёти Байрут халқаро аэропортига гуманитар ёрдам етказди, деб хабар берди РИА Новости.
“Ил-76″га ортилган озиқ-овқат, дори-дармон, чодирлар ва электр генераторлари каби инсонпарварлик юклари Ливан томонига ўтказилади. Самолётни Россиянинг Ливандаги элчиси Александр Рудаков ва Ливан атроф-муҳит вазири Насер Ясин кутиб олди”, — дейилади хабарда.
Россия Фавқулодда вазиятлар вазирлигининг хабар беришича, гуманитар операция Россия Федерацияси президентининг топшириғига мувофиқ ва Россия Фавқулодда вазиятлар вазирлиги раҳбари топшириғига биноан амалга оширилган.
“Ил-76 махсус самолёти умумий оғирлиги 33 тонна бўлган, жумладан, озиқ-овқат, асосий эҳтиёжлар, дори-дармон ва кўчма электр станцияларини ўз ичига олган инсонпарварлик юкини етказиб берди”, — дейилади хабарда.
