Босқинчилар “Ал-Ауда” касалхонасини тўлиқ тўсиб, барча тирик мавжудотни ўққа тутди
Исроил Ғазо секторида босқинчилик ва қирғинбарот урушини бошлаганига 383 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Рафаҳ, Байт Лаҳия ва Жабалия лагерига ҳужум қилди. Охирги 24 соат ичида 70 киши ҳалок бўлди, улардан 60 нафари Ғазо шимолида.
▪️Шимолий Ғазо қамалининг 19-куни. Байт-Лахияни тарк этишга муваффақ бўлган гувоҳлар йўллар бўйлаб ётган тинч аҳолининг кўп сонли жасадлари ётгани ва эркаклар оммавий ҳибсга олингани ҳақида хабар беришди.
▪️Босқинчилар “Ал-Ауда” касалхонасини тўлиқ тўсиб, барча тирик мавжудотни ўққа тутди.
▪️Ғарбий соҳилда ишғолчилар Ал-Халил, Байтлаҳм, Қалқиля, Қуддус, Ерихо, Наблусга ҳужум қилди. 11 ёшли бола ўлдирилган, ўнлаб одамлар ҳибсга олинган.
▪️Ливан жанубида “Ҳизбуллоҳ” билан сўнгги 24 соат ичида содир бўлган тўқнашувларда камида 25 та исроиллик аскар яраланди. Шунингдек, бир қанча қурбонлар бор.
▪️Ал-Қассам бригадалари: Жабалия шарқида “Меркава” танкини йўқ қилдик.
▪️Ҳизбуллоҳ Ал-Манар, Мисгав Ам ва Кирят Шмона шаҳарларида босқинчи аскарларга ҳужумлар уюштирди. Кун давомида 39 та ҳарбий амалиёт ўтказилди.
▪️Ҳусийлар Яфадаги ҳарбий базага ҳужум қилди. Зарба «Паластин-2» гипертовушли ракетаси ёрдамида амалга оширилган.
▪️Ироқ қаршилик кучлари Умм эр-Рашрашда (Эилат) муҳим нишонга учувчисиз ҳаво воситалари билан ҳужум қилди.
▪️Босқинчилар Бурж ал-Баражна фаластинлик қочқинлар лагерига ҳужум қилди. Ливандаги ҳалок бўлганлар сони 2350 нафарга етди.
▪️БМТ бош котиби Антониу Гутерриш БРИКС саммитида қатнашиш учун Қозонга келди.
