Молдова сайловлар бўйича Россияни айблади
Молдова президентининг миллий хавфсизлик бўйича маслаҳатчиси Станислав Секриеру Россияни мамлакатдаги президентлик сайловларининг иккинчи босқичига «оммавий аралашув»да айблади. Бу саъй-ҳаракатлар «натижага сезиларли таъсир кўрсатиши мумкин», деди у.
Жаноб Секриеру Россия овоз бериш жараёнига қандай аралашганига аниқлик киритмади. Reuters хабарига кўра, Молдова полицияси «сайловчиларни порахўрликнинг кенг кўламли схемаси»нинг олдини олиш учун овоз беришнинг иккинчи босқичида хавфсизлик чораларини кучайтирган.
Молдованинг амалдаги президенти Майя Санду овоз беришнинг биринчи босқичидан сўнг «жиноий тўдалар» сайловларга аралашишга уриниб, 300 минггача овоз сотиб олишни режалаштирганини айтди. Кейинроқ Европа Иттифоқи Россияни Молдовадаги сайловларга аралашишда айблади. Россия президенти матбуот котиби Дмитрий Песков бу хабарларни рад этиб, Москва Молдовада сайлов жараёнига аралашишга уринмаганлигини ва бунга имкони йўқлигини таъкидлади.
Бугун, 3 ноябрь куни Молдовада президентлик сайловларининг иккинчи босқичи бўлиб ўтмоқда. Мая Санду ва собиқ бош прокурор Александр Стояногло иккинчи босқичга чиқди.
