Нетаняху БМТнинг Ғазо бўйича овоз бериши сабабли Исроил делегациясининг АҚШга ташрифини бекор қилди

Қўшма Штатлар БМТ Хавфсизлик Кенгашининг Ғазода ўт очишни тўхтатиш таклифига вето қўйишдан тийилди.

Нетаняху ўз идораси баёнотига кўра, Вашингтоннинг таклифга тўсқинлик қилмагани аввалги позициясидан «аниқ чекиниш» ва ХАМАСга қарши уруш ҳаракатларига зарар етказишини айтди.

Юқори даражали делегация бир миллиондан ортиқ фаластинликлар бошпана олаётган Ғазо жанубидаги Рафаҳ шаҳрида Исроилнинг ҳарбий амалиётини муҳокама қилиш учун Вашингтонга бориши керак эди.

Исроилда парламент мухолифати етакчиси Яир Лапид Нетаняхуни Америка Қўшма Штатлари билан алоқалар туфайли ҳарбий хизматга чақириш ҳақидаги қонун лойиҳаси бўйича коалициядаги бўлинишдан эътиборни чалғитмоқчи бўлганликда айблади.