Россия ҳаммасини кўриб турибди

Россия Вашингтоннинг Украинадаги можаро сабабларини аниқлашга бўлган уринишларини кўриб турибди, деди Россия президенти матбуот котиби Песков.

Дмитрий Песковнинг бошқа баёнотлари:

– Россия Федерацияси Вашингтон билан икки томонлама муносабатларни қайта шакллантириш истагини қадрлайди;

– Путин Вашингтон билан алоқалари ҳақида ҳамкор давлатларни хабардор қила бошлади;

– Биз билан дўстона алоқаларга эга бўлмаган мамлакатлардаги Россия дипломатик ваколатхоналарини ҳимоя қилишни кучайтириш талаб этилади, Москва бундай чоралар зарурлигига эътибор қаратади;

– Украинадаги можаронинг асл сабабларини тушунмасдан, уни тўлиқ ҳал этиш имконсиз;

– Ташқи ишлар вазирлиги Россия ва АҚШ ўртасидаги бўлажак музокаралар тафсилотларини экспертлар даражасида маълум қилади;

– Россия Европа Иттифоқ билан мулоқотни қайта бошлаш учун ҳеч қандай асос кўрмаяпти;

– ЕИ мамлакатлари, АҚШдан фарқли ўлароқ, Украинадаги можарони давом эттириш кераклигига ишонч билан қарамоқда;

– ЕИнинг Россияга қарши навбатдаги санкциялар пакетини қабул қилиши олдиндан кутилган эди;

– Доналд Трампнинг матбуот котиби Кэролайн Ливиттнинг шу ҳафта тинчлик келишуви имзоланиши ҳақидаги баёнотига аниқлик киритиш лозим;

– Кремл Германияда ўтказилган сайловлар натижасини кузатади, шу билан бирга, Берлиннинг реал вазиятга янада эътиборлироқ ёндашишига умид қилади.