Олий Рада Зеленскийнинг ваколатларини қўллаб-қувватловчи ва уруш тугаганидан кейин янги сайловлар ўтказишга чақирувчи резолюцияни қабул қила олмади
Парламентда овоз бериш вақтида 272 депутат иштирок этди, шулардан 54 нафари овоз бермади. Қарорни 218 депутат қўллаб-қувватлади. Ҳужжатни маъқуллаш учун камида 226 та овоз талаб қилинган эди.
Ҳужжатда, хусусан, Зеленский «Украина Конституциясининг 108-моддаси биринчи қисмига мувофиқ янги сайланган президент лавозимга киришгунига қадар ўз ваколатларини бажариши шарт» экани таъкидланган.
Шунингдек, резолюцияда Олий Рада ва Зеленский «халқаро кузатувчилар таклиф этилган, халқаро ҳамжамият тўлиқ тан олган эркин, ошкора ва демократик сайловларда сайлангани» қайд этилган.
