Кўзим оч!.. Оч бўлмай ўлсинми?! Лўлига берадиган пулга пайпоқ беришаяпти!!! (видео)
Очиғи, мана шундай лаҳзаларни кўрганингдан кейин хафа бўлиб кетасан. Нега? Нега, дейсан. Аммо кимга шу саволни бераётганингни ўзинг ҳам билмайсан. Мана шу талашиб тортишганлар ташқарига чиққанларидан кейин сўранг. «Нега бундай қилдинглар?» деб. Елкасини қисишади. Билмайман, дейди. «Ҳамма урҳо-ур қилаётганини кўриб, қўшилиб кетибман. Лекин мана, элликта пайпоқ олволдим. Энди камида ўн йил пайпоққа умуман ишимиз тушмайди. Аммо шу олган пайпоқларимнинг ўнтасининг пойи бошқа-бошқа экан. Энди буни излашим керак. Ўзимга ўхшаганларнинг бирортасида кетган», дейди… Саволинг жавобсиз қолиб кетаверади. Асли бу саволга жавобнинг ўзи йўқ. Арзон, текин дейилдими, тамом, жавоб йўқ!.. Тартиб, интизом, уят, ҳаё, босиқлик… Нима улар, деб сўрайсизми?! Тўғри айтдингиз, нима улар?! Ахир ўн минглик пайпоқни уч мингдан тарқатиб туришганида сиз айтган нарсаларнинг умуман кераги йўқ!.. Керак десангиз, пайпоқсиз қоласиз!..
