Россиянинг Хабаровск ўлкаси Ўзбекистонга балиқ маҳсулотлари экспортини ошириш ниятида

Бу ҳақда минтақа губернатори Дмитрий Демешин Ўзбекистон элчиси Ботиржон Асадов билан учрашувда маълум қилди.

Унинг сўзларига кўра, улар Ўзбекистонда омбор ташкил этишни режалаштирган, у орқали россиялик тадбиркорлар Марказий Осиё мамлакатларига икра ва қизил балиқ етказиб беришлари мумкин.

Демешин ва Асадов Хабаровскдан Самарқандга тўғридан-тўғри рейслар очиш имкониятларини ҳам муҳокама қилди.