ЕИ АҚШнинг Россия нефтидан воз кечиш масаласидаги қўллаб-қувватловини мамнуният билан қабул қилади
Дан Йоргенсеннинг сўзларига кўра, бундай қадамлар Москвани Украинадаги урушни давом эттириш учун молиявий манбалардан маҳрум қилади.
«Ҳозирда Европа Иттифоқи 2028 йилга бориб Россиядан нефт ва газ импортини тўлиқ тўхтатиш бўйича музокаралар олиб бормоқда. Россия энергия ресурсларидан воз кечиш бу вақтинчалик санкция эмас. Ҳатто тинчлик ўрнатилган тақдирда ҳам, Россиядан энергия ресурсларини импорт қилишимизга ҳожат бўлмайди», — деди еврокомиссар Копенгаген шаҳрида ўтказилган Евроиттифоқ мамлакатлари энергетика вазирлари йиғилишида.
Йоргенсеннинг қайд этишича, Вашингтоннинг ушбу стратегияни очиқчасига қўллаб-қувватлаши ниҳоятда муҳим ҳисобланади.
