Сохта тадбиркор томонидан етказилган зарар МИБ орқали ундирилди
Фуқаро А.Э тадбиркорлик билан шуғулланувчи жамият раҳбари бўлиб ишлаб юрган даврида “Garant bank” АЖ Тўрткўл филиалидан тадбиркорлик фаолиятини олиб бориш мақсадида кўп миқдорда кредит олган бўлиб, кредитга олган пул маблағларини мақсадсиз сарфлаб, растрата йўли билан талон-торож қилган.
Етказилган зарарнинг 294 млн. сўмини ундириш ҳақида Жиноят ишлари бўйича Амударё туман суди томонидан 08.11.2024 йилда қарор чиқарилган.
Ушбу суд қарорига асосан чиқарилган ижро варақа Мажбурий ижро бюроси Тўрткўл туман бўлими иш юритувига келиб тушган ва бўлим давлат ижрочилари томонидан ижро ҳаракатларига киришилган.
Хусусан, қарздорнинг номида аниқланган 2 та SHANXI русумли юк автомашиналари хатловга олиниб, аукцион савдосига чиқарилган.
Ушбу мулклар ўтказилган аукцион савдоларида сотилган бўлиб, сотувдан тушган пул маблағлари қарздор томонидан банкка етказилган 294 млн. сўм жиноий зарарларни қоплаш учун жорий йилнинг 18-сентябрь куни йўналтирилиб, суд қарори ижроси таъминланган.
