Украина давлат сифатида йўқ бўлишига олиб келиши мумкин
Ҳарбий ҳаракатлар ҳудудидаги вазият Украинанинг давлат сифатида йўқ бўлишига олиб келиши мумкин, дея фикр билдирди Беларусь президенти Александр Лукашенко.
Беларусь етакчисининг таъкидлашича, у ҳар куни Россия Қуролли кучлари фронтда фаол олға силжиётганини кузатмоқда. Лукашенко Украина музокаралар учун тез ҳаракат қилиш кераклигини қайд этди.
“Бу Украинанинг давлат сифатида йўқ бўлишига олиб келиши мумкин”, – деди сиёсатчи “Россия 1” журналисти Павел Зарубинга берган интервьюсида.
Лукашенконинг қўшимча қилишича, Украина можаросини ҳал қилиш муаммоси Владимир Зеленскийда.
Аввалроқ Россия президенти Владимир Путин Украина армияси бутун фронт бўйлаб чекинаётганини, Россия армияси эса 5 минг кв. км. ва 219 та аҳоли пунктини назоратга олганини айтган эди.
