Хитойда коррупцияга қарши курашувчи амалдор порахўрлик сабаб 15 йилга қамалди
Хитойнинг Хубэй провинциясида суд Коммунистик партия (ХКП) Марказий қўмитасининг Интизом инспекцияси ва коррупцияга қарши кураш гуруҳининг собиқ раҳбари Ли Гангни 15 йилга озодликдан маҳрум қилди.
У жами 102 миллион юандан (14,4 миллион доллар) ортиқ пора олганликда айбдор деб топилди. Суд шунингдек, унга 6 миллион юан (тахминан 850 000 доллар) миқдорида жарима солди ва ноқонуний орттирган даромадларини мусодара қилишни буюрди.
