Брат, кўпроқ «тортиб» қўйибди. Тез, ҳурматини жойига қўйинглар!
Японияда кўчада ҳаддан ташқари кўп спиртли ичимлик истеъмол қилган кишини учратиш ҳеч кимни таажжубга солмайди. Йўловчилар бундай инсонни уйғотиш ўрнига, ўзаро ҳурмат юзасидан ўз ҳолига қўйишни афзал кўрадилар.
Баъзи ҳолларда нотаниш кишилар унинг ёнига сув, шарбат ёки пиво идишларини қўйиб кетишади. Уйғонгач, ўзига келиши ва куч тўплаши учун унинг атрофида ичимликлардан иборат ўзига хос «кичик ҳалқа» ҳосил қилинади.
Ҳатто шундай ҳолатлар кузатиладики, фотосуратда акс этганидек, ухлаб ётган кишининг атрофи турли ичимликлар билан тўлиб, кичик бир барни ёдга солади.
Мазкур ҳолат меъёрни бироз унутган «ҳамроҳларига» нисбатан кўрсатиладиган ўзига хос жамоавий ғамхўрлик намунасидир.
