Уч яшар боланинг ўлимига сабаб бўлган “Авиатор” савдо мажмуасидаги ёнғин бўйича жиноят иши қўзғатилди
31-январ куни Яшнобод туманидаги “Авиатор” савдо мажмуасида ёнғин чиққан. Ёнғиндан сўнг вайроналар остида ҳали 3 ёшга ҳам кирмаган қизчанинг жасади топилган.
Мазкур ҳолат юзасидан Жиноят кодексининг 192-11 (Нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва 259- (Ёнғин хавфсизлиги қоидаларини бузиш) моддалари билан жиноят иши қўзғатилган.
