Биткоин нархи қулади

Bloomberg агентлигининг маълум қилишича, Биткоин қиймати қисқа муддатга 70 минг доллардан пастга — охирги марта 2024 йилнинг ноябрь ойида кузатилган даражага тушди. Нью-Йоркдаги савдоларнинг бошланишида Биткоин курси қисқа вақт ичида 69 821 долларгача пасайди, шундан сўнг котировкаларда бироз ўсиш кузатилди. Bloomberg нашрининг ёзишича, мазкур криптовалюта 2025 йилнинг октябрь ойидаги 126 минг доллардан юқори бўлган энг юқори нуқтасига нисбатан ўз қийматининг 44 фоиздан ортиғини йўқотган. «Monarq Asset Management» бошқарувчи ҳамкори Шилианг Таннинг фикрича, айни пайтда бозор «ишонч инқирози» жараёнини бошдан кечирмоқда.