ФИФАда Жаҳон чемпионати борасида хавотир кучаймоқда
ФИФА келаётган ёзда АҚШ, Канада ва Мексика майдонларида бўлиб ўтадиган Жаҳон чемпионати юзасидан жиддий ташвишга тушган. The Touchline нашрига маълум бўлишича, ташкилот турнир атрофида катта қизиқиш (ажиотаж) йўқлигидан хавотирланмоқда.
Қайд этилишича, Жаҳон чемпионати ўйинлари учун чипталарнинг аксарияти ҳалигача сотилмаган. ФИФА бунинг сабабини тушуна олмаяпти. Турнир бошланишига тахминан тўрт ой вақт қолган бўлса-да, қизиқиш даражаси кутилганидан анча паст.
Айтиш жоизки, бу 48 та терма жамоа иштирок этадиган илк Жаҳон чемпионати бўлади. Аргентина терма жамоаси Жаҳон кубогини ҳимоя қилади. 2022 йил декабрь ойида бўлиб ўтган мундиал финалида «альбиселесте» Францияни пенальтилар сериясида мағлуб этган эди.
