Ёмон йўлга кириб кетган қизлар қани?! Бирортаси ҳам йўқ-ку!.. (видео)
Бундай йўлга одамзоти ўзи хохлаб кирмайди. Биров мажбурласа ҳам кирмайди. Шунчаки, тасодифан келиб қолиши мумкин. Кейин шу йўлга киришга, шу йўлдан ўтишга мажбурда… Бу ёмон йўлга фақат қизлармас, қари кампирлар ҳам киради. Бошқа иложи йўқ. Таксига миндими албатта шу йўлга кириб келади… Мана шунақа гаплар…
Айтганча яқинда ёмон, абжағи чиққан, ўйма тешик бўлиб кетган йўллар ўртасидан биринчилик ўтказилибди. Унда Сирдарё вилояти биринчи ўринни олибди… Лекин айтишларича бундай муваффақиятга осонлик билан эришилмаган. Ва бунга анчагина вақт ҳам кетган. Ўтган йили, атайлабданми ёки билмасданми, ўта сифатсиз, бетуми жуда оз бўлган асфальт ундан олдинги йилларда ҳосил бўлган ўйдим-чуқурларга қўл учида ташлаб чиқилган. Кейин «мусобақа» бошланиши роса кутилган. Сал ёмғир ва сал қор тушиши билан дарров «эзгу ния» амалга ошиб қолган!.. Мана энди ким Сирдарё вилоятидан ўтса, йўлчиларнинг «манзиллари»га бир-биридан «чиройли гаплар»ни, «халқ мақоллари»ни айтишаяпди!..
