Эрон устига офат ёғдириш учун у келди… Ҳозир Буюк Британияда! Тез орада Теҳрон сари йўл олади!
Screenshot
Ҳарбий-ҳаво кучларининг учта B-52 стратегик бомбардимончи самолёти Буюк Британиянинг Фэрфорд авиабазасига келиб қўнди. Маълумотларга кўра, Британия Бош вазири Кир Стармер ушбу базадан Эроннинг ракета объектларига қарши «мудофаа мақсадларида» фойдаланишга расмий рухсат берган.
The Telegraph нашрининг хабар беришича, қироллик флотининг HMS Prince of Wales авианосеци юқори жанговар шайлик ҳолатига келтирилган. Кеме экипажига беш кун ичида очиқ денгизга чиқишга тайёр туриш буюрилган.
Шу билан бирга, Британия ҳарбий-денгиз флотидаги техник муаммолар ҳам очиқланди. Ҳозирда қироллик ихтиёридаги олтита эсминецдан фақат биттаси жанговар ҳаракатларга тўлиқ тайёр, қолган фрегатларнинг аксарияти эса режали таъмирлаш жараёнида. Шу сабабли, Британия флотни кузатиб бориш ва ҳимоя қилишда НАТО бўйича иттифоқчилари — АҚШ ва Франция кўмагига таяниши кутилмоқда.
Мутахассислар ушбу ҳаракатларни Яқин Шарқдаги кескинликнинг кучайиши ва Эрон томонидан эҳтимолий таҳдидларнинг олдини олишга қаратилган стратегик қадам сифатида баҳоламоқда.
