Тошкентда 9 ёшли боланинг ўлимига сабабчи бўлган шифокор қамалди

2025-йилнинг август ойида хусусий клиникада 9 ёшли бола бурун соҳасидаги жарроҳлик амалиётидан кейин вафот этгани ҳақида хабар берилганди. Жорий йилнинг 12-март куни ўтказилган судда шифокор касб вазифаларини зарур даражада бажармаганликда айбдор деб топилиб, 4 йилга озодликдан маҳрум қилинган.

Марҳум болакайнинг яқинлари маълум қилишича, бола соғлом бўлиб, ўз оёқлари билан хусусий клиникага юриб борган. Унинг яқинлари боланинг ўлимига айбдор бўлган шахсларга энг оғир жазо берилишини сўраган.

Оператсия Тошкентдаги “Паэоннис” хусусий клиникасида ўтказилган. 9 ёшли боланинг бурнида аденоид аниқланган ва клиника шифокорлари уни жарроҳлик йўли билан олишни айтган. Судланувчилардан бирининг судда берган кўрсатмасига кўра, ушбу клиникада жонлантириш бўлими умуман бўлмаган.