Жаброил алайҳиссаломни пайғамбарлардан бошқа яна ким кўрганлигини биласизми?
Ҳориса ибн Нуъмон رضي الله عنه —
У киши – Қуръон қироати Жаннатда эшитилган саҳоба.
Жаброилни икки марта кўрган ва у билан саломлашган муборак зот.
Имонда мустаҳкам, тақводор, Аллоҳдан қаттиқ қўрқувчи банда.
Ана шундай юксак мақомлар билан бирга — онасига энг кўп эҳсон қилувчи саҳобий сифатида танилган.
Исломга кириши
Ҳориса رضي الله عنه Исломга Мадинага биринчи даъватчи сифатида юборилган улкан саҳоба — Мусъаб ибн Умайр رضي الله عنه қўлида исломга кирди.
Онаси Жаъда бинт Убайд ҳам Исломга кирди, оиласи тўлиқ мусулмон бўлди.
Расулуллоҳ ﷺ ҳижрат қилганларида уни қарши олган ансорлар ичида эдик. Унинг хурсандчилиги янада ортди, чунки Пайғамбаримиз ﷺ Абу Айюб Ансорий رضي الله عنه уйига тушган эдилар — бу хонадон Ҳорисанинг жуда яқин қўшниси бўлган.
У шу боис Расулуллоҳ ﷺга яқин тураётганидан қатъий мамнун эди.
Ҳориса رضي الله عنه Пайғамбаримиз ﷺнинг одоб-ахлоқларидан, илм ва ҳидоятларидан баҳраманд бўлиш учун тез-тез ҳузурларига бориб турарди.
Унинг қалбидаги муҳаббат ва садоқат мол билан ҳам, жон билан ҳам хизмат қилишда намоён бўлган.
Саховатдаги намунаси
У Пайғамбаримиз ﷺ ва аҳли байтга хизмат қилиш учун ҳамма нарсасини фидо қиларди.
Али رضي الله عنه Фотима رضي الله عنهاга уйланганларида, уй Пайғамбаримиз ﷺдан бироз узоқ эди.
Буни эшитган Ҳориса رضي الله عنه:
Ўзининг Пайғамбаримизга яқин турадиган уйини Али ва Фотимага берди,
Ўзи эса бошқа жойга кўчиб кетди — фақат Пайғамбаримиз ﷺ қувонсинлар!
Пайғамбаримиз ﷺ Сафия رضي الله عنهاга уйланганларида ҳам, яна бир уйини бўшатиб берди.
Воқиди айтади:
Расулуллоҳ ﷺ ҳар сафар оила ахлини кўпайтирсалар, Ҳориса уйини бўшатиб берар эди.
Пайғамбаримиз ﷺ бу меҳр ва ҳаёдан ажабланиб:
«Ҳорисадан уяла бошладим — ҳар сафар уйини бизга бўшатиб беради», деган экан.
Онасига қилган эҳсони — Жаннатдаги даражаси
Оиша رضي الله عنها ривоят қилади:
Расулуллоҳ ﷺ дедилар: “Тушимда Жаннатдаман, бир кишининг Қуръон ўқиётган овозини эшитдим. ‘Бу ким?’ деб сўрасам: ‘Бу – Ҳориса ибн Нуъмон’ дейишди.”
« ﻛذلك ﺍﻟﺒﺮ، ﻛذلك ﺍﻟﺒﺮ ، ﻭﻛﺎﻥ ﺃﺑﺮ ﺍﻟﻨﺎﺱ ﺑﺄﻣﻪ »
Шунда Пайғамбаримиз ﷺ дедилар:
«Ҳа, мана шундай бўлади ҳақиқий эҳсон… мана шундай бўлади ҳақиқий эҳсон. У одамлар ичида онасига энг кўп эҳсон қилувчи эди».
Оиша رضي الله عنها айтадилар:
Умматда онасига энг кўп эҳсон қилган икки киши бор —
Усмон ибн Аффон ва Ҳориса ибн Нуъмон رضي الله عنهما.
Усмон رضي الله عنه: «Исломга кирганимдан бери онамнинг юзига тик қараб ўтирганим йўқ», деганлар.
Ҳориса رضي الله عنه: онасини ўзи қўли билан таомлантирарди,
онаси нимадир айтса — ҳеч қачон қайтармаган,
«У уйдан чиққанидан сўнг, онаси ҳузурида бўлган кишилардан: “Онам нима дедилар?” деб сўрар эди».
Ҳориса رضي الله عنه айтади:
Бир куни Пайғамбаримиз ﷺнинг олдиларидан ўтдим, ёндларида бир киши ўтирган эди. Салом бердим. Кейин қайтиб келганимда Пайғамбаримиз ﷺ:
“Мен билан бирга ўтирганни кўрдингми?” дедилар.
“Ҳа,” дедим.
Шунда дедилар:
“У — Жаброил эди. У ҳам сенга саломингга албатта жавоб қайтарди.”
Ҳориса رضي الله عنه айтади:
“Жаброилни умримда икки марта кўрганман.”
Хулоса — Нима учун у Жаннатдаги қироат соҳибидир?
Онасига қилган беқиёс эҳсони Пайғамбаримиз ﷺга муҳаббати ва садоқати Савобли ишларга шошилиши Уйини, молини, тинчлигини Аллоҳ ва Расули учун фидо қилиши эди.Аллоҳ таоло бизга ҳам Ҳориса رضي الله عنه каби:
онамизни рози қилиш,
Пайғамбаримиз ﷺга муҳаббат, садоқат,
саховат,
тақво ва самимиятни насиб этгин.
Умида Абдуқодирова
