Винисиус Жуниор: «Ёмон мазза қилдим! Ҳатто, кайф қилдим десам ҳам бўлаверади!..»

«Реал Мадрид» ҳужумчиси Винисиус Жуниор Amazon Prime телеканалига берган интервьюсида «Манчестер Сити» билан тўқнашувдаги муваффақиятдан кейинги ҳиссиётлари билан ўртоқлашди. Бразилиялик футболчи жамоанинг руҳиятини алоҳида таъкидлади ва майдондаги ҳаракатларига изоҳ берди.

• «Биз босимни ҳис қилмадик, чунки биринчи уй учрашувида учта гол ургандик. Нима қилишни истаётганимизни аниқ билардик, лекин иш ҳали охирига етмаган эди. Энди эса қаттиқ меҳнат қилишда давом этишимиз керак. Ўтган ҳафтада пенальтидан гол ура олмаганимдан жуда хафа бўлгандим. Фарқ қилишни жуда истагандим, лекин ўхшамади. Бироқ Федерико Вальверде менга ишонч бағишлади. У бугун менинг куним бўлишини айтди. Мен буни уддаладим ва жуда бахтлиман».

• «Бу ерга охирги марта келганимизда, «Манчестер Сити» мухлислари мени масхара қилишганди. Голни нишонлашим билан «шаҳарликлар» мухлисларига ҳурматсизлик қилмоқчи эмасдим, бу шунчаки ўз салоҳиятимни исботлаш усули эди. Альваро Арбелоа қўл остида биз жамоа сифатида ўсяпмиз ва тобора яхшиланиб боряпмиз. «Сити»га қарши иккита ажойиб ўйин ўтказдик, бир-биримизни яқиндан танияпмиз ва ривожланяпмиз».