РОССИЯ ЭРОНГА МОДЕРНИЗАЦИЯ ҚИЛИНГАН ДРОНЛАР ЕТКАЗИБ БЕРМОҚДА
Associated Press (AP) агентлигининг АҚШ ва Европа расмийларига таяниб хабар беришича, Россия Федерацияси Эронга учувчисиз учиш аппаратларининг (дрон) янги партиясини жўнатмоқда. Эътиборли жиҳати шундаки, ушбу партиядан Теҳрон аввалроқ Москвага етказиб берган технологияларнинг такомиллаштирилган ва модернизация қилинган версиялари ҳам ўрин олган.
Европа разведкаси вакилининг сўзларига кўра, жорий ой давомида Россия ва Эрон расмийлари ўртасида дронларни етказиб бериш бўйича «ўта фаол» музокаралар олиб борилган. Бу ҳарбий ҳамкорликнинг икки томонлама ва стратегик аҳамият касб этаётганидан далолат беради.
АҚШ Мудофаа вазирлиги вакилининг таъкидлашича, ҳозирча ушбу жўнатма бир марталик келишувми ёки кенг кўламли сериянинг бир қисмими — бу номаълум. Етказиб берилган қурилмаларнинг аниқ сони ва уларнинг қанчалик стратегик аҳамиятга эга эканлиги бўйича ҳам расмий рақамлар очиқланмаган.
Европалик мулозимлардан бирининг фикрича, ҳозирги босқичда етказиб берилаётган дронларнинг кичик миқдори минтақадаги ҳарбий мувозанатга ёки мавжуд низолар натижасига сезиларли таъсир кўрсатмайди.
