Суд президентни ўпкасини босиб қўйди!..

АҚШ федерал суди президент Дональд Трамп томонидан илгари сурилган Оқ уйдаги базмлар зали (бальный зал) қурилишини, шунингдек, собиқ Шарқий қанот ўрнида олиб борилаётган демонтаж ва ҳудудни тайёрлаш ишларини тўхтатиб қўйди. Бу ҳақда 31 март куни NBC News телеканали хабар берди.

«Президент Оқ уйнинг келажакдаги биринчи оилалар авлоди учун посбонидир, аммо у бинонинг эгаси эмас!» — дея таъкидлади судья ўз қарорида.

Суд қарорининг мазмуни

Судьянинг ҳукм қилишича, Трамп маъмурияти Конгресснинг тўғридан-тўғри қонунчилик мақулловисиз лойиҳанинг жисмоний ривожланишини давом эттиришга, жумладан:

• Демонтаж ишлари;

• Майдонни тайёрлаш ва ер қазиш;

• Пойдевор қўйиш ёки ҳар қандай бошқа қурилиш ҳаракатларини амалга оширишга ҳақли эмас.

Судья бирорта ҳам федерал қонун президентга маъмурият қурилишни бошлашда асос қилиб кўрсатган ваколатларни бермаслигини қайд этди. Лойиҳа қиймати 400 миллион долларга баҳоланмоқда. Ҳозирда Оқ уйнинг Шарқий қаноти бузиб ташланган ва унинг ўрнида катта чуқурлик ҳосил бўлган.

Трампнинг қурилиш ҳақидаги фикрлари

2 март куни бўлиб ўтган матбуот анжуманида Трамп Эрон билан боғлиқ низо мавзусидан чалғиб, Оқ уйда янги базмлар зали қурилаётгани ҳақида гапириб берган эди. Унинг сўзларига кўра, иншоот ниҳоятда ҳашаматли бўлиши керак, бироқ қурувчиларнинг шовқини биринчи хоним Мелания Трампнинг ғашига тегмоқда.

Колумб ҳайкали атрофидаги можаро

Шунингдек, CNN телеканалининг 23 мартдаги хабарига кўра, Трамп Оқ уй ҳовлисига денгиз сайёҳи Христофор Колумб ҳайкалининг нусхасини ўрнатишни буюрган. Маълумот учун, ушбу ҳайкалнинг асли олти йил аввал Балтиморда Black Lives Matter (BLM) ҳаракати норозиликлари пайтида ағдариб ташланган эди. Янги яратилган тўрт метрли ҳайкал Балтимор кўрфазига улоқтирилган ўша извоянинг айнан нусхасидир.