Трамп: «Биласизларми, Макарон эй-й, кечирасизлар Макрон билан унинг хотини…»
АҚШ Президенти Дональд Трамп 1 апрель куни Франция етакчиси Эммануэль Макрон ва унинг рафиқаси Брижит ўртасидаги муносабатлар ҳақида истеҳзо билан фикр билдирди. Америка етакчиси Оқ уйдаги тадбир чоғида Франция президентининг рафиқаси унга ёмон муносабатда бўлиши ҳақида ҳазил қилди.
«Мен хотини жуда ёмон муносабатда бўладиган француз Макронга қўнғироқ қилиш ҳақида ўйлаб қолдим — у ҳали ҳам жағ қисмига берилган зарбадан кейин ўзига келмоқда», — деди Трамп.
Воқеалар хронологияси
-
2025 йил 26 май: Ижтимоий тармоқларда рафиқаси матбуот кўз ўнгида Макроннинг юзига тарсаки туширгани акс этган видео тарқалган эди.
-
2026 йил 31 март: Трамп Эрон билан урушда НАТО томонидан қўллаб-қувватлов йўқлиги сабабли, АҚШ Шимолий Атлантика альянсини молиялаштириш бўйича ўз позициясини қайта кўриб чиқишни режалаштираётганини маълум қилди.
