ҚОНЛИ ХИЁНАТ ЁКИ ХЎЖАЙИННИНГ ҚУЛГА ИЛТИФОТИ!
«Трамп нима учун Эрдўғонни кўкларга кўтариб, елкасига қонли чопон ёпмоқда?» — бу саволнинг ўзи заҳарли тиғдек янграйди. Дунё саҳнасида «тотувлик» сўзи луғатлардан ўчирилиб, «уруш» ҳайқириғи оламни тутган бир пайтда, бу мақтовлар ортида аслида нима ётибди? Трампнинг НАТО ва Форс кўрфази давлатларини аёвсиз танқид қила туриб, Туркия ва Эрдўғонга «баракалла» айтиши нимадан дарак?
Америка худди оғир кунга тушган кимсадек, ўзига қўл чўзганларга миннатдорчилик билдиришни канда қилмайди. Бу галги «шукрона садолари» — стратегик ёрдам ва яширин ҳамкорликнинг мевасидир. Туркия бу алоқаларни қанчалик пардалашга уринмасин, АҚШ сир сақлаб ўтирмади. Мақоранинг «қовун туширган» ери ҳам айнан шу ерда!
Эроннинг кескин эътирозларига қарамай, Туркиянинг АҚШ орқали (ёки бевосита) қурол етказиб бериши — бу Эрдўғоннинг навбатдаги дипломатик ҳийласими ёки ички сиёсатни тинчитувчи вақтинчалик ниқобми?
Эҳтимол, иккаласи ҳам… Бу манзара бир қўлида оловни ўчириш учун сув сепиб, иккинчи қўли билан унга мой қуяётган иккиюзламачининг қиёфасини эслатади.
Ҳаммага маълумки, «шайтон» Трамп текинга мушук офтобга чиқармаслигини билмайдиган одам йўқ. У бировдан бирор манфаат ундирмаса, тилидан фақат камситувчи ва мазах қилувчи «ахлат» сўзлар тўкилади. Шундай экан, бугунги мақтовлар — хўжайиннинг ўз хизматкорига иши битганидан кейин айтган сохта «баракалла»си эмасми?
Мусулмон юртлари бир-биридан зарба еб, қон йиғлаётган бир пайтда, Вашингтондан келаётган бу «ташаккурнома»лар аслида урушнинг жанговар чизиқлари ва таъминот нуқталари қаерда эканини фош қилиб қўймаяптими?
