Арманистон Россия чегарачиларининг Ереван Звартнотс аэропортида хизматини тўхтатишга қарор қилди
Арманистон ҳукумати мамлакат пойтахти Еревандаги Звартноц халқаро аэропортида россиялик чегарачилар хизматини тўхтатишга қарор қилди.
Армения расмий ахборот агентлиги Armenpress хабарига кўра, Арманистон Миллий хавфсизлик кенгаши котиби Армен Григорян Миллий мажлисда бўлиб ўтган йиғилишдан сўнг матбуотга баёнот берди.
Григорян Арманистон маъмурияти ушбу аэропортдаги барча хизматлар фақат арман расмийлари томонидан амалга оширилишига қарор қилганини маълум қилди: “Арманистон бу масалада аниқ позицияга эга ва бу аниқ позицияни Россия Федерациясига расмий мактуб орқали маълум қилди. Арманистоннинг позицияси шундан иборатки, Звартноц халқаро аэропортида хизматлар Арманистон чегара қўшинлари томонидан амалга оширилиши керак.
27 февраль куни Арманистон Миллий ассамблеяси спикери Ален Симонян Звартноц аэропортидан россиялик чегарачиларни олиб чиқишни тўғри деб билишини айтди.
Кремль матбуот котиби Дмитрий Песков, ўз навбатида, Арманистон ҳукуматининг бу борадаги қарори ҳақида ҳали маълумот олмаганини айтди.
