Нега биздан маслаҳат сўрашмади?! Нега иш битганидан сўнг айтишди?! Нега?! Унақада отимиз яҳудий бўлса-да, амалимиз шайтоний эканлиги қаерда қолди?!
Исроил ҳукумати нафақат АҚШ ва Эрон ўртасидаги ўт очишни тўхтатиш қароридан, балки Тель-Авивнинг бу келишувдан фақатгина қарор қабул қилиб бўлингач хабардор этилганидан ҳам норози бўлди. Бу ҳақда 9 апрель куни The Wall Street Journal (WSJ) нашри ўз манбаларига таяниб хабар берди.
«Исроил расмийлари ўт очишни тўхтатиш шартларидан, жумладан, Ливаннинг ушбу келишувга эҳтимолий қўшилишидан қониқиш ҳосил қилмади. Оқ уй вакилининг сўзларига кўра, сулҳ бўйича музокаралар келишув эълон қилинишидан бироз олдин АҚШ президенти Дональд Трамп ва Исроил Бош вазири Биньямин Нетаньяху ўртасидаги қисқа телефон суҳбати билан чекланган», — дейилади материалда.
Шу билан бирга, нашр манбасининг аниқлик киритишича, Нетаньяху Трампга тинчлик келишувида иштирок этишга розилик берган. Бироқ уни сулҳ режими Ливанга ҳам тааллуқли бўлиши мумкинлиги қаттиқ ташвишга солган. Чунки Тель-Авив Теҳрон ва Байрут билан бўлган низоларда турли хил мақсадларни кўзлаган.
