Нетаньяху: «Бир бало қилиб АҚШ ва Эрон ўртасини яна бузаман!»
2026 йил 9 апрель — Исроил бош вазири Биньямин Нетаньяху Ливандаги «Ҳизбуллоҳ» ҳаракати объектларига ҳужум қилиш орқали АҚШ ва Эрон ўртасидаги келишувни бузиб юбориши мумкин. Бу ҳақда 9 апрель куни Politico нашри исми ошкор этилмаган европалик амалдорга таяниб хабар берди.
«Нетаньяху, эҳтимол, ўт очишни тўхтатиш келишувини соботаж қилишга (тўхтатиб қолишга) интилмоқда», — дейилади хабарда.
Эслатиб ўтамиз, аввалроқ, 8 апрель куни Вашингтон ва Теҳрон икки ҳафталик ўт очишни тўхтатиш бўйича келишувга эришган эди. Ўшанда Эрон президенти Масъуд Пезешкиан Яқин Шарқдаги зиддиятни ҳал қилишнинг асосий шартларидан бири сифатида Исроилнинг Ливанга ҳужумларини тўхтатишини кўрсатган эди.
Шу билан бирга, 9 апрель куни АҚШ вице-президенти Жей Ди Вэнс ва Нетаньяху Америка—Эрон ўртасидаги сулҳ Ливан ҳудудига тааллуқли эмаслигини маълум қилишди.
