Туркия жануби-шарқидаги мактабда содир бўлган отишмада ҳалок бўлганлар сони 9 кишига етди
Туркия жануби-шарқидаги Қаҳрамонмараш шаҳрида жойлашган мактаблардан бирида юз берган отишма натижасида 9 киши ҳалок бўлди. Бу ҳақда 15 апрель куни республика Ички ишлар вазири Мустафа Чифтчи маълум қилди.
«Чифтчи Қаҳрамонмарашдаги мактабда содир бўлган отишма оқибатида 9 киши ҳалок бўлганини, 13 киши жароҳатланганини билдирди. Жароҳатланганларнинг 6 нафари оғир аҳволда», — деб хабар бермоқда NTV телеканали.
Туркия ИИВ раҳбарининг қўшимча қилишича, ҳалок бўлганларнинг 8 нафари ўқувчилар, бир нафари эса ўқитувчи бўлган.
Қаҳрамонмарашдаги мактабга ҳужум: Нималар маълум?
Қаҳрамонмараш мактабидаги отишма 15 апрель куни содир бўлди. Ҳужум қилган шахс ўрта мактабнинг иккита синфини нишонга олган. Дастлабки хабарларда 4 киши ҳалок бўлгани ва камида 20 киши жароҳатлангани айтилган эди.
Босқинчи ушбу мактабнинг 16 ёшли, 8-синф ўқувчиси бўлиб чиқди. Кейинроқ NTV телеканали полиция 4 кишини отиб ташлаган ўсмирнинг отасини қўлга олгани ҳақида хабар берди. Губернатор Мюкеррем Унлюэрнинг сўзларига кўра, отишмани содир этган мактаб ўқувчисининг ўзи ҳам воқеа жойида ўз жонига қасд қилган.
