«Англияда кўзлар кўр бўлганми?»: Хусанов АПЛни титратаётган бир пайтда, мухлислар ҳали ҳам «хаёл суришмоқда»!

Биз ўрганган ва биз билган инглиз футболи ўзгарган. Аммо «Сити» мухлисларининг Англия Кубоги учун тузган тахминий таркибида мантиқ ва реаллик ҳали ҳам бир-бирини топа олмаяпти. Хусусан, ўзбекистонлик ҳимоячи Абдуқодир Хусановнинг бир йилдан бери АПЛда намойиш этаётган жасорати инглиз мухлисларининг «тор» тасаввурига ҳали ҳам сиғмаяпти!

Хусанов — АПЛнинг янги девори, лекин кимдир уни кўрмаяпти!

Абдуқодир Хусанов бир йилдан бери Англия майдонларида энг кучли ҳужумчиларни «чўнтагига солиб» юрибди. Унинг ўйини Гвардиоланинг фалсафасига идеал тушадиган вақт келди. Лекин мухлислар тақдим этган мана бу расмга қаранг: улар Хусановни таркибдан чиқариб, ташлашган.

Бу кибрми ёки билимсизлик? Бир йил давомида барқарор ўйин кўрсатаётган, топ-ҳужумчиларни тўхтатиб қолган ҳимоячини «кўрмаслик» учун одам нақадар футболдан йироқ бўлиши керак? Ёки инглиз мухлислари ҳали ҳам ўзлари билмаган иқтидорларни тан олишга тайёр эмасми?